„АЕРОНОВА“: седмица на достигнувања, партнерства и на големи машини
Минатата седмица беше полна со настани кои нѐ движат напред — кон небото, кон нови технологии и кон сопствено производство. Да видиме што работеше тимот на „АЕРОНОВА“.
Поддршка на науката за воздухопловство
Од 10 до 11 април, бевме покровители на XXII научен форум за воздухопловството во спомен на Н. Е. Жуковски. Овој настан беше оддржан во Московскиот државен технички универзитет за цивилно воздухопловство, и на него присуствуваа претставници на водечки универзитети, истражувачки институти и разни претпријатија во земјата.
Нашиот тим настапи во делот „Проблеми и задачи на аеронаутиката“, во кој ги претстави иновациите на „АЕРОНОВА“. Разменивме искуства, ги слушавме колегите и добивме инспирација од проектите презентирани на конференцијата.
Разговаравме за лансирањето со Универзитетот „Бауман“
Одржавме и работна средба со инженерскиот центар „Стратосферски системи“ при Московскиот државен технички универзитет „Бауман“ — ги сумиравме резултатите од најновото лансирање на стратостатот, кое претставува важен чекор во развојот на долготрајни летови во стратосферата.
Во текот на средбата:
• го проучивме конечниот технички извештај;
• направивме анализа на ефикасноста на мисијата;
• ги разгледавме причините за предвременото слетување на леталото, како и начините на кои тие можат да се отстранат во идните летови;
• предложивме ажурирања на методологијата на тестирање за да се подобрат сигурноста, прецизноста и времетраењето на летовите.
Добивме нова опрема за производство
Да, новата опрема пристигна!
Во базата беа испорачани две моќни машини од Кина, а секоја од нив тежи од 5-7 тони:
• глодалка со пет оски,
• глодалка-фреза.
Наскоро машините ќе бидат пуштени во функција. Во блиска иднина, тие ќе ги забрзаат и ќе ги поедностават главните работни процеси.
Во наредните денови, очекуваме да биде доставена и машината за ерозија, со што ќе биде завршена важна фаза од осамостојувањето на производството на компанијата.
Оваа седмица навистина беше полна со настани. Ние не конструираме само цепелини, напротив, ги поставуваме темелите на цела индустрија. Бидете во тек — најинтересните работи допрва претстојат!
